မျက်စိသည် ကိုယ်၏ ဆီမီးဖြစ်၏

“မျက်စိသည် ကိုယ်၏ ဆီမီးဖြစ်၏”ဆိုတဲ့ ခရစ်တော်ရဲ့ စကားများဟာ ၀ိညာဉ်ရေးရာ၌ အသက်ပေး နှုတ်ကပါတ်တော်ဖြစ်ပါတယ်။ ၀ိညာဉ်နှင့် နီးကပ်စွာ ပတ်သက်နေတဲ့ စိတ်ပိုင်းဆိုင်ရာ ရှုထောင့်မှကြည့်ရင်လည်း အင်မတန် တိကျမှန်ကန်တဲ့ စကားများ ဖြစ်ပါတယ်။ ဒီမှာ “မျက်စိ”ဆိုတဲ့ စကားဟာ ကိုယ်ခန္ဓာရဲ့ အင်္ဂါတစ်ခုထက် ကိုယ့်ဘ၀ကို ထိန်းကျောင်းပေးတဲ့ အမြင်နှင့် အတွေးအခေါ်၊ တနည်းအားဖြင့် ထင်ရှားပေါ်လွင်တဲ့ ကိုယ့်ရဲ့ခံယူချက်နှင့် ဖက်စပ်နေတဲ့ ဘ၀လမ်းစဉ် ဖြစ်ပါတယ်။ အထက်ပါ ရှင်လုကားကျမ်း (၁၁း ၃၄) မတိုင်မီလေးမှာပင် ခရစ်တော်က “ဆီမီးထွန်း၍ ကွယ်ရာ၌ ဖုံးထားလေ့မရှိ။ တောင်းဇလားအောက်၌ လည်း ထားလေ့မရှိ။ ၀င်လာသောသူတို့ အလင်းရစေခြင်းငှာ ဆီမီးခုံအပေါ်မှာ တင်ထားလေ့ရှိ၏”လို့ မြွတ်ဆိုတဲ့ စကားများကို ထောက်ရှုပြီး သိနိုင်ပါတယ်။

    လူတစ်ဦးတစ်ယောက်ရဲ့ ဘ၀အပေါ် အမြင်မပြောင်းလဲသရွေ့ ထိုသူရဲ့ ဘ၀လမ်းစဉ်လည်း လုံးဝ မပြောင်းနိုင်ပါ။ “ကိုယ်မြင်တာ ကိုယ်ရ”ဆိုတဲ့ အတိုင်းပါပဲ။ ကိုယ့်ဘ၀မှာ ဖြစ်ပျက်နေတဲ့အရာများဟာ အဓိပ္ပါယ်မရှိ၊ စိတ်ပျက် စရာချည်း၊ ကံဆိုးလှချည်လားလို့ တွေ့မြင်နေရင် လက်တွေ့နေထိုင်တဲ့ ဘ၀မှာ ကျွန်ုပ်တို့ဟာ စိတ်မှိုင်ကျပြီး တက်တက်ကြွကြွ အားပါ တရ မရှိနိုင်ချေ။ ကိုယ့်ပတ်ဝန်းကျင် လူများကို ငါ့ရဲ့ ရန်သူ၊ ငါ့ကို အပြစ်ကောက်ဖို့ ချောင်းမြောင်းနေကြတဲ့သူတွေ၊ မနာလိုဝန်တိုတဲ့ လူတွေလို့ မြင်မယ်ဆိုရင် ပြောပြောဆိုဆိုနှင့်ပဲ ဘေးလူတွေကို ပြန်ချောင်းမြောင်းမယ်၊ အပြစ်ရှာမယ်။ သူတို့နှင့် ဆက်ဆံရတဲ့အခါမှာ ခပ်ဆပ်ဆပ်ခပ်မာမာ ရှိမယ်။ စိုးရိမ်တကြီးနှင့် တင်းမာတဲ့ ပြောဆိုလုပ်ကိုင်မှုတွေ ၀င်လာပြီး သက်တောင့်သက်သာ မနေထိုင်နိုင်ပါ။ ဒါပေမယ့် သူတစ်ပါးကို ကိုယ့်ရဲ့ မိတ်ဆွေအဖြစ် ကြည့်တတ်မယ်ဆိုရင် ကိုယ့်ရဲ့ နေထိုင်ဆက်ဆံမှုလည်း ပြောင်းလဲလာမယ်။ ဘုရားသခင်အပေါ်လည်း ကိုယ့်အပေါ် ကောင်းမြတ်နားလည်တတ်တဲ့ ဖခင်ကြီးအဖြစ် လက်ခံတတ်တဲ့ လူတစ်ယောက်နှင့် ဘုရားကို မတရားကြမ်းကြုတ်တဲ့ အရှင်သခင်ကြီးလို သဘောထားတဲ့ လူတစ်ယောက်တို့ရဲ့ အကျင့်ပုံစံတွေဟာ ဆီနှင့် ရေလောက် ကွာခြားပါမယ်။

     မိတ်ဆွေတို့ခင်ဗျား ကျွန်ုပ်တို့ရဲ့ ဘ၀အပေါ် သူတစ်ပါး အပေါ်နှင့် ဘုရားသခင်အပေါ် တွေ့မြင်ယူဆချက်နှင့် ဝေဖန်ချက်တွေဟာ ကျွန်ုပ်တို့ရဲ့ စိတ်ခံစားချက်များ၊ အတွေးအခေါ်နှင့် ခံယူချက်များအဖြစ် စွဲလာပြီး တဆင့် ကျွန်ုပ်တို့လက်တွေ့ ဘ၀လမ်းစဉ်နှင့် နေထိုင်လှုပ်ရှားမှုကို ဖန်တီးပေးနေတယ်ဆိုတာ ကောင်းစွာ သဘောပေါက်ဖို့ လိုပါတယ်။ ဒါကြောင့် စိတ် “မျက်စိ” မကြည်လျှင် မသန့်ရှင်းလျှင် ဘ၀တစ်ခုလုံး အမိုက်မှောင်ဖြစ်မည်။ စိမ်းတဲ့ နေကာမျက်မှန်နှင့်ကြည့်ရင် လောကကြီးဟာ ကြည်နူးစရာ ကောင်းပြီး အမည်းရောင်နှင့်ကြည့်ရင် ညိုပုတ်တာကိုပဲ တွေ့ရမယ်။ ကိုယ့်ရဲ့ အမြင်-စိတ်ကူးနှင့် လမ်းစဉ်ဟာ အညမည ဆက်သွယ်နေလို့ မကောင်းတဲ့ ရှုထောင့်ကမဟုတ် ကောင်းတဲ့ရှုထောင့်၊ ကြည်လင်တဲ့ ရှုထောင့်ဘက်က ပိုမို ကြည့်တတ်မြင်တတ်ဖို့ ကြိုးစားကြည့်ကြပါ။

    တစ်ခါက အကျဉ်းထောင်သံတိုင်တွေ နောက်ကနေ အကျဉ်းသမားနှစ်ယောက်ဟာ အပြင်ကို လှမ်းကြည့်ကြရာ တစ်ယောက်ကရွှံ့ကိုပဲ တွေ့တယ်။ ကျန်တစ်ယောက်ကတော့ ကြယ်များကို မြင်တယ်တဲ့။ သင်တို့ ကျွန်ုပ်တို့ကြည့်ရင် ဘာကိုများ တွေ့ကြမလဲ။ ကိုယ်မြင်တာ ကိုယ်ရကြမယ်နော်။ အပြင်အပမှာ ဖြစ်ပျက်နေတဲ့ အရာတွေဟာ အများပိုင်း ကျွန်ုပ်တို့ကြောင့် ဖြစ်လာကြတာမဟုတ်၊ ၎င်းင်းတို့ကို ကိုယ်တိုင် ထိန်းကျောင်း ပြုပြင်ပေးဖို့လည်း လွယ်ကူတဲ့ အလုပ်မဟုတ်ပေမယ့် ကိုယ့်စိတ် ကိုယ့်အတွင်း ရှိသင့် ရှိထိုက်တဲ့ ကျေနပ်မှုနှင့် အေးချမ်းမှုကတော့ ကိုယ်နှင့်အဓိက ဆိုင်ပါသည်။ ကိုယ့်ဘ၀၊ ပတ်ဝန်းကျင်နှင့် ဘုရား အပေါ် ကြည်လင်တဲ့ ယုံကြည်မှုနှင့် ကြည့်ကြပါစို့လား။ အနည်းဆုံး -ဘုရား အပေါ်ထားရှိတဲ့ အမြင်ကတော့ ကျွန်ုပ်တို့တတွေရဲ့ဘ၀လမ်းစဉ်ကို အကျိုးပေးမည် ဆိုတာတော့ မြေကြီးလက်ခတ်မလွဲပါ မိတ်ဆွေတို့ . . . .

R.V.A ထုတ်လွှင့်ချက်မှ

၂၀၁၃ခုနှစ် အီစတယ်ပွဲတော် မှတ်တမ်းဓါတ်ပုံများ (MCCN)

၂၀၁၃ခုနှစ် အီစတယ်ပွဲတော် မှတ်တမ်းဓါတ်ပုံများ (MCCN)

၂၀၁၃ခုနှစ် အီစတယ်ပွဲတော် မှတ်တမ်းဓါတ်ပုံများ (MCCN)

နော်ဝေရောက်မြန်မာကက်သလစ်မိသားစုများ လားရှိုးနှင့် ကွတ်ခိုင်ရှိ ကချင်ဒုက္ခသည်များအားလှူဒါန်း

Dear Friends & partners in Norway,
Greetings to all. On behalf of all at IDPs in Kutkai camps, I would like to express my heartfelf gratitude to all of you for sending your contribution of sacrifices Kyats. 3,080,000.00. May God bless you all many times in return for your generosity.
Bishop Philip
Lashio


နော်ဝေရောက်မြန်မာကက်သလစ်မိသားစု (MCCN) များမှ (ကျပ်၃၀၈၀၀၀၀)(သုံးဆယ်ရှစ်သောင်းကျပ်) အားဂရုဏာ မြန်မာလာရှိုး၊လူမှုရေးလုပ်ငန်း ကက်သလစ် သာသနာကွတ်ခိုင်နှင့် ကချင်နှစ်ခြင်းခရစ်ယာန်အသင်း တော် ကွတ်ခိုင်တွင်ရှိကြသောကချင်ဒုက္ခသည်များ အား၁၈.၀၇.၂၀၁၃နေ့တွင်လားရှိုးဆရာတော်ကြီးဖိလစ်ဇေဟောင်း
မှတဆင့်ပေး အပ်လှူဒါန်းခဲ့ကြပါသည်။

                                                           
                                                                                                              MCCN

အမှောင်မှအလင်းသို့

အိုသခင် အရှင်ပြုလုပ်
အကျွန်ုပ်၏ရုပ်နှင့်နာမ်တွင်
ငါစွဲအတ္တ
ကိန်းအောင်းနေကြလေရဲ့ ....

အိုသခင် လူမိုက် ကျွန်တော်
မာနတံခွန် အလံထူ၍
ငါမှငါဟု ငါ၏ကိုယ်အား
ထင်ကြီးလွန်စွာ မြင်မြင်သမျှ
ဒေါသထောင်လွှား ရန်စောင်ကြည့်နှင့် ကြည့်ခဲ့လေရဲ့ ...

အိုသခင် ကျွန်တော့်ရင်တွင်း
ကျေးဇူးသခင် ဘုရားရှင်၏
ဧ၀ံဂေလိ တရားတော်အား
ကြားသိလေသောခါ ...

အိုသခင် အပြစ်သားကျွန်တော်
အတ္တကို ခုချ မာနကိုစွန့်
အလြံဖူနှင့် မိုက်နောင်တကြုံ
အမှောင်မှအလင်း
ကူးပြောင်းသောအခါ
အရှင်ဆီးကြို နှင့်လှဲ့ပါ..

. J - ဇော်လတ်အောင် (ရွှေဘို)

                                

အဘယ့်ကြောင့် ကက်သလစ်ကျမ်းစာတော်မြတ်တွင် ကျမ်း (၇၂)စောင်ရှိရသနည်း။

“ဘာရု ပရောဖက်ကျမ်း” (Baruch) သည် ပရိုတက်စတင့် ကျမ်းစာတော်မြတ်တွင် မပါဝင်ဘဲ ကက်သလစ်ကျမ်းစာတော်မြတ်တွင်သာ ပါဝင်သော ဓမ္မဟောင်းကျမ်း (၇)စောင်ထဲမှ တစ်စောင်ဖြစ်သည်။ ထိုကျမ်းများကို ကက်သလစ်တို့က “ဓမ္မဟောင်းတွဲဖက်ကျမ်း”များ Deuterocanonical ဟုခေါ်ကြသည်။ ပရိုတတ်တစတင့် တို့ကမူ “အာပိုခရိပါ” Apocryphalဟုခေါ်ကြသည်။ (မြန်မာနိုင်ငံတွင် “အပယ်ခံကျမ်း”ဟု အသုံးရှိခဲဖူးသည်။) ထိုဓမ္မဟောင်းကျမ်း (၇)စောင်တွင် ပါဝင်သော ကျမ်းများမှာ တိုဘိဝထ္တု (Tobit)၊ ဂျူဒစ်ဝထ္တု (Judith)၊ ဘာရုပရောဖက်ကျမ်း (Baruch)၊ မကာဘေးဦးသမိုင်း (ပထမတွဲနှင့် ဒုတိယတွဲ) (1 and 2 Maccabees) ဥာဏ်ပညာကျမ်း (Wisdom, or wisdom of Solomon) ၊ နိတိဒေသနာကျမ်း (Sirach, or Ecclesiasticus) တို့ဖြစ်ကြသည်။

ထိုဓမ္မဟောင်းတွဲဖက်ကျမ်းများသည် ဘီစီ (၃)ရာစုခန့်က ဂရိဘာသာသို့ ပြန်ဆိုထားသော ဓမ္မဟောင်းကျမ်း (Septuagint)တွင် ပါဝင်ကြသည်။ အဆိုပါ ဓမ္မဟောင်းကျမ်းသည် တမန်တော်ကြီးများနှင့် ၄င်းတို့ နောက်ပိုင်း မျိုးဆက်များ အသုံးပြုခဲ့သည့် ကျမ်းစာတော်မြတ်လည်းဖြစ်သည်။ ဂရိဘာသာဖြင့် ရေးသားထားသော ဓမ္မဟောင်းကျမ်းများထဲမှ အစောဆုံးလက်ရေးမူများဖြစ်သည့် Codex Sinaiticus (fourth century) နှင့် Codex Alexandrinus (c.450) တို့သည် အထက်ဖော်ပြပါ ဓမ္မဟောင်းများကို အခြားသော ကျမ်းများနှင့် အတူ ထည့်သွင်းထားကြသည်။

ခရစ်နှစ် ၃၄၉ ခုနှစ်တွင် ဟိပိုမြို့တွင် ပြုလုပ်သော ခရစ်ယာန်သာသနာ့စည်းဝေးကြီးနှင့် ၃၉၇ခုနှစ် နှင့် ၄၁၉ ခုနှစ်တို့တွင် ကာသေ့ခ်ျမြို့တွင် ပြုလုပ်သော စည်းဝေးပွဲ ကြီးတို့က ထိုကျမ်း (၇)စောင်ကို အခြားသော ကျမ်း(၆၆)စောင်နှင့် အတူ ကျမ်းစာတော်မြတ်တွင် ထည့်သွင်းအတည်ပြုခဲ့ကြသည်။ ထိုအတည်ပြုချက်ကို တစ်ကမ္ဘာလုံးဆိုင်ရာ အသင်းတော် (Universal Church) ကလည်း လက်ခံခဲ့သည်။ (၁၆) ရာစုတွင် ထရင့်မြို့တွင် ကျင်းပခဲ့သော ခရစ်ယာန် သာသနာ့စည်းဝေးပွဲကြီးကလည်း ထိုကျမ်းများကို အတည်ပြုပေးခဲ့သည်။

သို့ဖြစ်လျှင် အဘယ့်ကြောင့် ပရိုတက်စတင့်တို့က အဆိုပါကျမ်းများကို ၄င်းတို့၏ ကျမ်းစာတော်မြတ်ထဲမှ ထုတ်ပယ်ထားသနည်း။ အမှန်တကယ်တွင် သြဇာတိကမရှိသော ပရိုတက်စတင့်ပြုပြင်ရေးဝါဒီ မာတင်လူသာ (Martin Luther) က ၄င်းတို့ကို ပယ်ဖက်ခဲ့ခြင်းဖြစ်သည်။ သူသည် ခရစ်ယာန်ယုံကြည်ခြင်းအတွက် ကျမ်းစာတော်မြတ်သည်သာ အဓိကကျသည်ဟု အပြင်းအထန် သွန်သင်ခဲ့သော်လည်း သူ၏ သွန်သင်ချက်ကို မထောက်ခံသော ကျမ်းချက်များရှိပါက ထိုကျမ်းချက်များပါဝင်သော ကျမ်းများ၏ အရေးပါမှု့ကို ငြင်းဆိုလေ့ရှိသည်။

ဓမ္မဟောင်းတွဲဖက်ကျမ်းများတွင် သေသူတို့အတွက် ဆုတောင်းပေးခြင်းနှင့် ယဇ်ပူဇော်ခြင်းများကို ထောက်ခံအားပေးသော ကျမ်းပိုဒ်များပါဝင်ကြသည့်အပြင် ငရဲငယ် (Purgatory)တည်ရှိကြောင်းကိုလည်း သွန်သင်ထားသည် (၂ မကာ ၁၂း၃၉-၄၆)။ မာတင်လုသာသည် ထိုရှေးဟောင်းသွန်သင်ချက်နှင့် အသင်းတော်၏ ကျင့်ကြံချက်များကို ပစ်ပယ်ကာ ထိုကျမ်းများကို ပရိုတက်စတင့်ကျမ်းစာတော်မြတ်အတွင်း ထည့်သွင်းရန် ငြင်းဆိုခဲ့သည်။

ဓမ္မဟောင်းတွဲဖက်ကျမ်းများတွင် ပါဝင်သော ကျမ်းများသည် အခြားသော ဓမ္မဟောင်းကျမ်းများနှင့် ရေးသာသည့် ပုံစံဆင်တူသည်။ ဥာဏ်ပညာကျမ်းနှင့် နိတိဒေသနာကျမ်းတို့သည် ပညာအလိမာကျမ်းနှင့် အတော်ပင်တူသည်။ တိုဘိဝထ္တုသည် ယောဘ၀ထ္တုကဲ့သို့ပင်ဖြစ်သည်။ ဂျုဒစ်ဝထ္တုသည်လည်း အက်စတာဝတုနှင့် အလားသဏ္ဍာန်တူသည် (ဟေဗြေဦး အမျိုးသမီးသူရဲကောင်းနှစ်ဦးသည် မိမိတို့၏ လူမျိုးကို ကယ်တင်ရာတွင် ကူညီခဲ့ကြသူများဖြစ်သည်) မကာဘေးဦးသမိုင်း ပထမတွဲနှင့် ဒုတိယတွဲတို့သည် ဓမရာဇ၀င် ဒုတိယစောင် - တတိယစောင်၊ ရာဇ၀င်ချုပ် ပထမစောင် ဒုတိယစောင်တို့ကဲသို့ သမိုင်းအဖြစ်အပျက်များကို တင်ပြထားသော ကျမ်းများဖြစ်ကြသည်။ ဘာရုပရောဖက်ကျမ်းသည်လည်း ဂျေရေမိယ (Jeremiah) ပရောဖက်ကျမ်းနှင့် အလားသဏ္ဍာန်တူသည်။
ဓမ္မသစ်ကျမ်းသည်လည်း ဓမ္မဟောင်းတွဲဖက်ကျမ်းများမှ တွေးခေါ်ချက်များကို ကျမ်းချက်အတော်များများတွင် ထပ်တူနီးပါးပြန်ပြောင်းပြောဆိုထားသည်။ ဥပမာ- ဗျာဒိတ်တော်ကျမ်း ၁း၎ နှင့် ၈း၃-၄ တို့သည် တိုဘိဝထ္တု ၁၂း၅၁ ကို ကိုးကားထားဟန်ရှိသည်။ ကော်ရန့်သုသြ၀ါဒစာ ပထမစောင် ၁၅း၂၉ သည် မကာသြ၀ါဒစာ ၁၁း၃၅ သည် မကာဘေးဦးသမိုင်း ဒုတိယတွဲ ၇း၂၉ ကို ပြန်လည်ထင်ဟပ်ပြနေလေသည်။

                                                       MCCN

မိသာစုဝိညာဉ်ရေးရာအမြင်သစ်

သင်၏ ယခုနှစ် လက်ရှိဘ၀အား နောက်နှစ်တွင် မည်ကဲ့သို့ တမူထူးခြား ပြောင်းလဲ စေချင်သနည်းဟု အစချီလျှက်၊ သြစတြေးလျ ကက်သလစ်စာရေးဆရာ မက်သယူးကယ်လီ (Matthew Kelly) က မိသားစု အတွင်းရှိ ပဋိပက္ခများအား ဖြေရှင်းနိုင်ရန်နှင့် ၀ိညာဉ်ရေး ခွန်အားရရန် အချက် (၅) ချက်ကို သြစတြေးလျနိုင်ငံ ဟန်တင်ဂန် (Huntingun) မြို့ရှိ စိန်ပီတာနှင့် စိန်ပေါလ် ဘုရားကျောင်းတွင် ဟောပြောခဲ့ပါသည်။

ကျွန်ုပ်တို့သည် ယဉ်ကျေးမှု ပဋိပက္ခများအကြားတွင် တည်ရှိနေကြသည်။ ထိုယဉ်ကျေးမှု ပဋိပက္ခ တရားကြီးသည် နံပါတ် (၁) ပစ်မှတ်အဖြစ် မိသားစုများဆီသို့ တိုက်ရိုက် တိုက်ခိုက်၍ဖြိုခွဲရန် တာစူနေသည်ဟု သူကဆိုပါသည်။ လူ၏ အကျင့်ပြောင်းလဲပါက ဘ၀သည်လည်း ပြောင်းလဲသွားပါသည်။ ထို့ကြောင့် မိသားစု၏ ဘ၀နှင့် ၀ိညာဉ်ရေး ဆိုင်ရာ တိုးတက်မှုရရှိရန်အတွက် အောက်ပါအချက် (၅) ချက်ကို လိုက်နာရန် တိုက်တွန်းမှာကြားခဲ့ပါသည်။

(၁)မှန်ကန်သော မေးခွန်းကိုမေးပါ။
သင်၏ကလေးငယ်အားအကောင်းဆုံး သင်ကြားပေးခြင်းနှင့် အကောင်းဆုံး ဘ၀မြှင့်တင်ပေးခြင်းသည် သူတို့အား မှန်ကန်သော ဆုံးဖြတ်ချက်ကိုချခိုင်းခြင်းဖြစ်သည်။ ကျွန်ုပ်တို့နေ့တိုင်း ကြုံတွေ့နေရသော အရေးကြီးဆုံး ပြဿနာမှာ ဆုံးဖြတ်ချက်ချခြင်းပင်ဖြစ်သည်။ အဘယ်ကြောင့်ဆိုသော် ဆုံးဖြတ်ချက်သည် အကျင့်ကို ဖြစ်ပေါ်စေသည်။ အကျင့်သည် စာရိတ္တကို ဖြစ်ပေါ်စေသည်။ စာရိတ္တသည် သင်၏ ဘ၀ပန်းတိုင်ပင်ဖြစ်သည်။ သင်သည် ဘ၀နှင့်ပတ်သက်သော ဆုံးဖြတ်ချက်ကို မချတတ်ပါက ဒုက္ခတွေ့လိမ့်မည်၊ သင်၏ကလေးငယ်သည် သင်၏လမ်းညွှန်မှုလိုအပ်သော အခြေအနေတစ်ခုကိုတင်ပြပါက သင့်အနေဖြင့် သူ့အား အခြေအနေ တစ်ခုလုံးကို သုံးသပ်ပြလျှက် အဘယ် အရာသည် အကောင်းဆုံးဖြစ်မည်ကို စဉ်းစားခိုင်းပါ။

(၂) အတူတကွဆုတောင်းပါ
မိသားစုတစ်စုအနေဖြင့်အတူတကွ ဆုတောင်းရန် အခြေအနေအမျိုးမျိုး ရှိသည်။ သို့သော် အကောင်းဆုံးသော အချက်သည်ကား တနင်္ဂနွေ ဧ၀ံဂေလိကျမ်းစာကို

အတူတကွ ထောက်ရှုခြင်းဖြစ်သည်။ တနင်္ဂနွေ မစ္ဆားတရားသည် အထူး သဖြင့် ကလေးငယ်များအတွက် အနှောင့်အယှက်ရှိကောင်းရှိ ပေလိမ့်မည်။ ကျွန်ုပ်တို့အနေဖြင့် ဘ၀တွင် ကြိုတင်ပြင်ဆင်မှုရှိပါမှ ပို၍အကျိုးရှိပေလိမ့်မည်။ အကယ်၍ သင်သည် တနင်္ဂနွေမစ္ဆားတရား၏ ဧ၀ံဂေလိ ကျမ်းစာကို ကြိုတင်ပြင်ဆင် ဖတ်ရှုမထားပါက ထိုမစ္ဆားတရား၏ ဦးတည်ချက်နှင့် အနှစ်သာရကို သင်နားလည် လိမ့်မည်မဟုတ်ပေ။

(၃) မိသားစုယဉ်ကျေးမှုကို ဖွဲ့စည်းပါ။
မိသားစု၏ ယဉ်ကျေးမှု သို့တည်း မဟုတ်မိသားစု၏ ရိုးရာဟန်ပန် ဓလေ့ထုံးစံကို တည်ဆောက်ရန် နည်းလမ်းတစ်ခုသည်ကား မိသားစု ညစာထမင်းဝိုင်း အတူစားခြင်းပင် ဖြစ်သည်။ အကယ်၍ သင်၏ မိသားစုသည် ရက်သတ္တပါတ်တွင်မှ တစ်ခါလောက် ညစာအတူတူ မစားပါက သင်၏မိသားစုတွင် ပြဿနာပေါ်လိမ့်မည်ဖြစ်သည်။ သင်၏ အိမ်တွင် သင်၏ မိသားစုနေထိုင်သော်လည်း အတူတကွ ညစာထမင်းမစားပါက သင်၏အိမ်သည် တည်းခိုခန်း တစ်ခုနှယ်ဖြစ်သွားပေလိမ့်မည်။ ဆရာကြီးကယ်လီက ထပ်မံပြောကြားရာတွင် ထမင်းဝိုင်းမစမှီ မိဘတို့က ဆုတောင်းမေတ္တာ တစ်ခုခုကိုရွတ်ဆိုသင့်သည်။ ရင်တွင်းမှ ထွက်ပေါ်လာသောဆုတောင်း မေတ္တာကို ထမင်းဝိုင်းမစမီ အချိန်တိုင်း တစ်လခန့်မျှ ရွတ်ဆိုပေးခြင်းဖြင့် သားသမီးတို့ အကျင့်ရလာပြီး မကြာမီပင် သူတို့ ဦးဆောင်နိုင်မည်ဖြစ်သည်။ သင်၏ မေတ္တာသည်တိုရမည် ရိုးစင်းရမည်။ ထို့အတူရင်တွင်းမှ ထွက်ပေါ်လာသော ဆုတောင်းမေတ္တာဖြစ်ရမည်။

(၄) ရိုးစင်းသောမိသားစုဘ၀ကို တည်ဆောက်ပါ။
မိသားစု၏ အလုပ်ကိုမိသားစုဝင် ကိုယ်တိုင်မှပြုလုပ်ဆောင်ရွက်ကြခြင်းဖြင့် ဘ၀တွင်လူတိုင်း၏ အရေးပါ အရာရောက်မှုကို ဦးစားပေးရာရောက်၏။ အထူးသဖြင့် သင်တို့၏ကလေးငယ်တို့အားဟိုဟာ မလုပ်ရ၊ ဒီဟာ မကိုင်ရဟု အရာရာတိုင်းအား တားမြစ်ချက်ပေးထားသည်ထက် သူတို့ကိုယ်၌က မိသားစု၏ စာရင်းဝင်အဖြစ် ခံစားလာရအောင် ကိုယ်ကျင့်တရား ၀ိညာဉ်ရေးရာ စသည့်အရာရာတိုင်း၌ ပါဝင်လာနိုင်စေရန် အကူအညီပေးပါ။ ထိုအချက်သည် သင်က သင်၏မိသားစုဝင် ကလေးငယ်တို့အားပြုလုပ်သော အကောင်းဆုံး ကူညီမှုပင်ဖြစ်သည်။

(၅) အစေခံတတ်သော စိတ်ဓာတ်ကို မြေတောင်မြှောက်ပေးပါ။
ဘ၀၌ ပျော်ရွှင်မှု ရရှိသောသူများတွင် တခြားသူများနှင့် မတူညီသော အချက်တစ်ချက်ရှိသည်။ ၎င်းင်းကား အကူအညီပေး တတ်ခြင်းပင်ဖြစ်သည်။ ကျွန်ုပ်တို့၏ ဘ၀ကို သူတစ်ပါးအား အစေခံခြင်း၌ မြှပ်နှံထားပါက ကျွန်ုပ်တို့တွင် ကျေနပ်နှစ်သိမ့်မှုပြည့်စုံမှုနှင့် နက်ရှိုင်းသော ပျော်ရွှင်မှုတို့ရရှိမည် ဖြစ်သည်။ သင်၏ကလေးငယ်တို့အား အကောင်းဆုံးသော မိသားစုဘ၀အဖွဲ့ အစည်းနှင့် အသင်းတော်တည်ဆောက်ရန် ကူညီပေးပါ။

                        William Cone ၏ Spiritual Perspectives on Family Challenges ကို ပြန်ဆိုပါသည်။

                                                                                                          အောင်မြင့်ဦး (ပြည်)